Асрлар силсиласидан ўтган тарихий шаҳар бугун тараққиёт йўлида дадил қадам ташламоқда. Янги лойиҳалар амалга оширилиб, ободончилик ишлари қизғин давом этмоқда. Шаҳарнинг ҳар бир бурчагида замонавий инфратузилма ва миллий меъморчилик уйғунлиги кўзга ташланади.

Вилоят ҳокимининг ўринбосари Ертай Алтаев раислигида ўтган йиғилишда сентябрь ва октябрь ойларига мўлжалланган йирик тадбирлар режаси муҳокама қилинди. Тадбирда мутасадди идоралар ва муассасалар раҳбарлари иштирок этиб, ташкилий масалалар юзасидан таклифларини илгари сурди.

– Жорий йилда Туркистон шаҳрига алоҳида мақом берилди. Шу мақомга мувофиқ кенг қамровли лойиҳа ва мазмунли тадбирларни ташкил этиш зарур. Шу боис, бу йўналишдаги ишларни тизимли равишда амалга оширишимиз зарур, – деди Ертай Алтаев.

Таъкидлаш жоизки, вилоят марказида қатор муҳим маданий ва маънавий тадбирлар ўтказилади. Жорий йилда “Voice of Turan – 2025” халқаро фестивали, “Түркінің төрі – Түркістан” ёш оқинлар айтишуви каби нуфузли тадбирлар ва лойиҳалар уюштирилди.

Келгусида эса “Өнерлі өлке” вилоят санъат фестивали, Республика кунига бағишланган тадбирлар, шунингдек, “Түркістан дауысы” байрам концерти каби йирик байрам дастурлари ташкил этилади.