Қозоғистон Республикаси Президенти Қасим-Жўмарт Тўқаев билан Ражаб Тоййиб Эрдўғон билан кўплаб соҳаларда ҳамкорликни янада кенгайтиришга қаратилган музокаралар ўтди.

Давлат раҳбарлари дўстлик ва қардошлик руҳида ўтган учрашувда савдо-иқтисодий алоқалар, сармоя, энергетика, транспорт ва логистика соҳаларидаги ҳамкорлик истиқболларини муҳокама қилди.

Расмий маросимдан кейин давлат раҳбарлари тор доирада музокара ўтказдилар.

Учрашувда Қасим-Жўмарт Тўқаев икки давлат ўртасидаги муносабатлар изчил ривожланиб бораётганини таъкидлаб, бугунги ташриф тарихий аҳамият касб этишини қайд этди. Шунингдек, Анқарада ўтказилган Олий даражадаги стратегик ҳамкорлик кенгашининг бешинчи йиғилишида эришилган келишувлар муҳим аҳамиятга эга эканлиги қайд этилди.

Ўз навбатида Ражаб Тоййиб Эрдўғон самимий қабул ва юксак меҳмондўстлик учун миннатдорчилик билдирди ҳамда ушбу ташриф икки давлат ўртасидаги қардошлик ришталарини янада мустаҳкамлашга хизмат қилишини таъкидлади.

Ташриф доирасида икки мамлакат ўртасидаги ҳамкорликни янги босқичга олиб чиқишга қаратилган қатор муҳим келишувлар имзоланди.