Маданият ва санъат соҳаси ходимларини касб байрами билан чин қалбдан табриклайман! 

Руҳиятимизни бойитиб, миллий қадриятларимизни улуғлаб келаётган соҳа вакилларининг меҳнати ҳамиша юксак ҳурматга сазовордир.

Байрам арафасида Қозоғистон Ёзувчилар уюшмаси раиси Мереке Қулкенов, Қозоғистонда хизмат кўрсатган арбоб  Қасимхан Бегманов ҳамда шоир Қалқаман Сарин билан учрашиб, адабиёт, маданият ва Туркистоннинг туркий оламдаги маънавий ўрни хусусида фикр алмашдик. Учрашувда миллий меросни тарғиб қилиш, маданий лойиҳаларни ривожлантириш ҳамда минтақадаги маънавий ташаббусларни қўллаб-қувватлаш масалалари кенг муҳокама этилди.

Бугунги кунда Туркистонда Давлат раҳбари назоратида кенг кўламли янгиланиш ишлари амалга оширилмоқда.

Мазкур муқаддас заминда ўтган Туркий давлатлар ташкилотининг норасмий саммитида Туркистон номи алоҳида ҳурмат билан тилга олиниб, у туркий оламнинг маънавий маркази, умумбашарий тамаддуннинг олтин бешиги сифатида юксак баҳоланди.

Асрлар давомида шоир ва оқинлар мадҳ этган муқаддас шаҳар бугун янги даврнинг маънавий пойтахтига айланмоқда. Шу боис, Туркистонни улуғлаш – тарихимизни, маданиятимизни ва миллий руҳимизни улуғлаш демакдир.