Нуралхан Кўшеров италиялик «Magister Art» компанияси президенти Ренато Сапорито билан учрашув ўтказди. Мулоқотда қурилиш, маданият, ижодий индустрия ҳамда халқаро ҳамкорлик соҳаларида қўшма лойиҳаларни амалга ошириш масалалари муҳокама қилинди.

Вилоят раҳбари Туркистон минтақасининг тарихий-маданий меросини тарғиб қилиш, сайёҳлик салоҳиятини юксалтириш ва замонавий рақамли ечимларни жорий этиш юзасидан олиб борилаётган ишларга тўхталди. Шунингдек, минтақада сайёҳликни ривожлантириш ва сармоя жалб қилишга алоҳида эътибор қаратилаётганини таъкидлади.

Ренато Сапорито эса меҳмондўстлик учун миннатдорчилик билдирди.

Учрашувда Туркистон вилоятида маданий-сайёҳлик лойиҳаларини амалга ошириш, тарихий обидаларни рақамли шаклда тақдим этиш, халқаро кўргазмалар ташкил қилиш масалалари ҳам кўтарилди.

Томонлар ўзаро ҳамкорликни мустаҳкамлаш ва келгусида қўшма лойиҳаларни амалга ошириш имкониятларини кўриб чиқишга келишиб олдилар.

Маълумот учун, «Magister Art» маданий ва ижодий индустрия соҳасида фаолият юритувчи инновацион компания бўлиб, асосий эътиборни рақамли технологияларга қаратади. Компаниянинг бош идораси Милан ва Рим шаҳарларида жойлашган.