Вилоят ҳокими Нуралхан Кўшеров Туркий давлатлар ташкилоти саммити якунларига бағишланган учрашув ўтказди. 

Тадбирда масофадан барча туман, шаҳар ҳокимликлари вакиллари – зиёлилар, тадбиркорлар ва фаол ёшлар иштирок этди. 

Туркистон шаҳрида 15 май куни юксак савияда ўтган халқаро анжуман якунлари бўйича минтақа раҳбари Қозоғистон Президенти Қасим-Жўмарт Тўқаевнинг юксак баҳоси ва миннатдорчилигини етказди.

Таъкидлаш жоизки, саммитдан сўнг Давлат раҳбари махсус йиғилиш ўтказиб, халқаро тадбир юксак савияда ташкил этилганини қайд этган ҳолда Туркистон вилояти аҳолиси ва тарихий аҳамиятга эга анжуманни ташкил этишда фаол иштирок этган барча фуқароларга алоҳида миннатдорчилик билдирган эди. 

Тадбирда Халқаро саммитга тайёргарликка ҳисса қўшган «ASIA BREND» мебель корхонаси раҳбари, республика танловида “Юксак сифатли мебель маҳсулоти” номинациясига сазовор бўлган, тадбиркор Уйғун Абишев сўзга чиқди. У ўзи раҳбарлик қилаётган мебель корхонаси маҳсулотлари Қирғизистон, Болтиқ бўйи давлатлари, Россия ва Ўзбекистон каби мамлакатларга экспорт қилинаётганлигини фахр билан таъкидлаб, вилоят ҳокими Н. Кўшеровга Туркистон шаҳрида илк бор уюштирилган халқаро саммитни муваффақиятли ўтказгани учун миннатдорчилик билдирди. У келажакда ҳам туркий давлатлар ҳамкорлиги, тинчлик, тараққиёт учун имкон даражасида ҳисса қўшишга тайёр эканлигини маълум қилди. 

ХҚТУ филология фанлари доктори С. Садиқов халқаро саммитга юксак баҳо бериб, туркий давлатлар ҳамжиҳатлиги, якдиллиги меваси бўлган эзгу тадбирга ҳисса қўшган барча фуқароларга миннатдорчилик билдирди.