Вилоятимизда сув танқислигини бартараф этиш ва қишлоқ хўжалигида самарадорликни ошириш мақсадида сувни тежовчи замонавий технологиялар жорий этилмоқда.

Ўтрор тумани, Қарғали қишлоғида гуруч ва пахта етиштириш томчилатиб суғориш технологияси асосида йўлга қўйилди.

Вилоят ҳокими Нуралхан Кўшеров Ўтрор туманида бўлиб, “Таймас-2024” МЧБнинг пахта ва гуруч майдонларида амалга оширилаётган ишлар билан яқиндан танишди. Сармоядорлар ҳамда хўжалик соҳиби билан учрашиб, янги ташаббусларни доим қўллаб-қувватлаши, бу йўналишда барча шароитлар яратилишини таъкидлади.

– “Таймас-2024” МЧБ директори Тўлеген Серикбаев вилоят ҳокимлиги кўмагида чет элда бўлиб, сармоядорлар билан шартнома тузганини маълум қилди. Сувни тежаш технологияси туфайли гуруч, пахта ва кунгабоқар экинлари мослаштирилди. Лойиҳа қиймати – 2 млрд тенге. Мазкур лойиҳа сармоядорлар томонидан молиялаштирилмоқда. Майдон 5 минг гектардан иборат. Унинг 2300 гектари пахта, 500 гектарга гуруч, қолган 200 гектарига кунгабоқар экилган. Хўжаликда 45та қишлоқ хўжалиги техникаси ишлатилмоқда. 25 мавсумий иш ўрини очилган. Янгича усул орқали экин сув сарфи бир неча бараварга тежалмоқда.

Маълумки, Давлат раҳбари Қасим-Жўмарт Тўқаев сувни тежовчи технологияларни кенг жорий этиш ҳамда қишлоқ хўжалиги соҳасида ялпи маҳсулот миқдорини ошириш бўйича муҳим вазифалар белгилаб берган эди. Шу асосда вилоятда ҳам мақсадли лойиҳалар амалга оширилмоқда.