Қасим-Жўмарт Тўқаев янги Конституция лойиҳаси бўйича ўтказилган республика референдумида иштирок этди. Давлат раҳбари Ўқувчилар саройида жойлашган 51-сонли референдум участкасида овоз берди.

Овоз беришдан сўнг, Президент маҳаллий ва хорижий оммавий ахборот воситалари вакиллари учун брифинг ўтказди.

Қ. Тўқаев бугун мамлакат тараққиёти ва келажаги учун алоҳида муҳим кун эканлигини таъкидлади.

– Бугун мамлакатимиз тақдирини ҳал қиладиган кун. Барчангизни табриклайман! Аслида, ушбу жараён фуқароларимизнинг ҳуқуқ ва эркинликларини кафолатловчи қадам. Шу боис унинг аҳамияти жуда юксак. Янги Конституция мамлакатимизнинг, еримизнинг яхлитлиги, мустақиллиги ва эгаменлигини муҳофаза қилади. Бу борада 1995 йилда қабул қилинган Конституция алоҳида аҳамият касб этди. Мамлакатимиз ушбу ҳужжат билан 35 йил давомида яшаб келмоқда. Аммо вақт бир жойда турмагани боис янги Конституцияни қабул қилиш вақти келди. Мен бу жараёнда фаол иштирок этдим. Конституциянинг муқаддимаси ва бошқа меъёрларини ўзим ёздим. Ишончим комилки, янги Конституция мамлакат фаровонлиги ва келажагига хизмат қилади, – деди Давлат раҳбари.

Сўнг Президент конституциявий ислоҳотнинг асосий мақсад ва вазифалари, шунингдек, халқаро кун тартибига оид қатор саволларга жавоб берди.