Вилоятимизда қишлоқ хўжалигини ривожлантириш борасида амалга оширилаётган ишлар самара бермоқда. Президент Қасим-Жўмарт Тўқаевнинг соҳада умумий маҳсулот ҳажмини икки бараварга ошириш ва сувни тежаш технологияларини кенг жорий этиш тўғрисидаги топшириқларнинг ижроси изчиллик билан таъминланмоқда.

Жорий йилнинг 8 ойида қишлоқ хўжалиги маҳсулоти ҳажми 100,1 фоизга етди. 9 ой якунига кўра, бу кўрсаткичнинг 104,3 фоизга чиқиши кўзланмоқда.

Айниқса, сувни тежаш технологиялари кенг қўлланилмоқда.Йил бошида уни 27 минг гектар ерга жорий этиш режалаштирилган бўлса, ҳозирга қадар 59 минг гектар ер қамраб олинди. Умумий ҳажми 114 минг гектарга етди. 2028 йилга қадар ҳар йили 27 минг гектарга киритиш режалаштирилган бўлса-да, имкониятдан келиб чиқиб, ҳар йили 50 минг гектар ерда мазкур тизимни жорий этиш режаланган. Бу ҳақда Туркистон вилояти ҳокими Нуралхан Кўшеров раҳбарлигида ўтган девон мажлисида маълум қилинди. 

Йиғилишда қишлоқ хўжалиги бошқармаси раҳбари Файзулла Байдуллаев агросаноат мажмуаси кўрсаткичларининг бажарилиши ҳақида ҳисобот берди. Унинг маълумотларига кўра, йил охиригача 1 649та қишлоқ хўжалиги техникасини харид қилиш режалаштирилган, бугунги кунда 1 379та техника харид қилинди. Натижада, техника нархининг янгиланиш улуши 7,9 фоизни ташкил этиб, умумий қишлоқ хўжалиги техникаси сони 17 487 донага етди.

Маҳсулотни сақлаш инфратузилмаси ҳам кенгаймоқда. Жорий йилда Тулкибош, Сайрам, Чордара туманларида замонавий мевa-сабзавот сақлаш омборлари ишга туширилди. Келаси йили Сариоғоч туманида 10 минг тонна ва Қазиғурт туманида 3 минг тонна мевa-сабзавот омборлари ишга туширилади.

Қишлоқ хўжалигини қўллаб-қувватлаш ва сармоя жалб этиш борасида ҳам вилоятимиз мамлакатда етакчи.

Агросаноат мажмуасига жорий йилда 121 млрд тенге сармоя жалб қилинди. 9 ой якунига қадар ушбу кўрсаткич 152,8 млрд тенгега етказилади.

Гўшт етиштириш ҳажми 122,9 минг тоннага етди. Бунинг аксарият қисми Сайрам ва Қазиғурт туманлари ҳиссасига тўғри келади.