Kazinform. Туркистон вилоятининг пахтачилик соҳасида янги давр бошланди. Ўтрор туманидаги пахта майдонларида ҳосил етилди. «Алтын дала мақта» МЧБ майдонларида 34 минг гектар пахта теримга тайёр. 

Шу билан бирга вилоятда пахтачиликда халқаро ҳамкорлик кенгаймоқда.

Бундан ташқари, минтақада халқаро сармоявий лойиҳалар ҳам амалга оширилмоқда. Вилоят ҳокими Нуралхан Кўшеров Texhong Group раҳбарлари билан учрашиб, ҳудудда пахта кластерини ривожлантириш ва йилига 300 минг тонна пахтани қайта ишлайдиган замонавий заводлар қуриш режасини муҳокама қилди.

Texhong Group – дунёда тўқимачилик саноатида етакчи компаниялардан бири бўлиб, Хитой, Вьетнам, Туркия, Мексика ва Никарагуада ишлаб чиқариш базаларига эга. 

Ҳозирда вилоятда йилига 150 минг гектар пахта экилиб, тахминан 270 минг тонна маҳсулот етиштирилмоқда.

Пахта маҳсулоти маҳаллий корхоналарда қайта ишланади, шу орқали газлама, кийим-кечак ва тайёр маҳсулот ишлаб чиқариш йўлга қўйилмоқда. 

Вилоятда 25та пахтани қайта ишлаш заводи фаолият юритмоқда ва 2027 йилгача 5та тўқимачилик кластери ишга туширилади. Бу лойиҳалар янги иш ўринлари яратиш баробарида экологик тоза ишлаб чиқариш ва янги касбий ўқув тизимларини йўлга қўйиш имконини беради.

Туркистон вилоятида пахтачилик кластери шаклланмоқда. Бу – етиштирилган хомашё тўлиқ маҳаллий енгил саноат корхоналарида қайта ишланади демакдир. Шу тарзда минтақада  пахтадан саноат кластерига қадам қўйилмоқда. Деҳқонлар ва халқаро сармоядорлар ҳамкорлиги, замонавий технологиялар ва инфратузилма – янги иқтисодий босқичнинг асоси сифатида хизмат қилмоқда.