​Баҳорнинг илк куни юртимизда Шукрона байрами билан бошланади. 2016 йилдан буён анъанавий равишда нишонланаётган бу сана бугун халқимизни бирлаштирувчи, ўзаро ҳурмат ва меҳр-оқибат рамзига айланганди.

Бу куннинг илдизлари чуқур тарихга бориб тақалади. Ўтган асрнинг суронли йилларида тақдир тақозоси билан Қозоғистон заминига депортация қилинган юз минглаб турли миллат вакилларини қозоқ халқи бағрикенглик билан кутиб олди. Ўзлари оғир аҳволда бўлса-да, охирги бир бурда нонини баҳам кўриб, бошпана берди. 

​Бағрикенглик – олий қадрият

​Қозоғистонда юздан зиёд миллат ва элат вакиллари ягона оиладек аҳил ва ҳамжиҳатликда умргузаронлик қилмоқда. Шукрона куни ўтмишни ёдга олиб, бугунги тинчлик, барқарорлик ва фаровон кунларимиз учун тақдирдан рози бўлиш байрамидир. Бу кунни биз, аввало, ота-онамизга, устозларимизга, шифокорлару тинчлик посбонларига ва албатта, ён-атрофимизда елкадош бўлиб турган замондошларимизга самимий раҳматимизни айтамиз.

​Келажак сари бир қадам

​Шукроналик бор жойда барака бўлади. Зеро, ўзганинг қадрига етиш, яхшиликни унутмаслик – олижаноблик белгисидир. Ёш авлод қалбида Ватанга муҳаббат ва инсонларга ҳурмат туйғусини шакллантиришда бу каби байрамларнинг ўрни беқиёс.