Минтақалараро муносабатларни мустаҳкамлаш юзасидан  Президент топшириғи доирасида Туркистон вилояти ҳокими Нуралхан Кўшеров Ўзбекистон Республикаси, Тошкент вилояти ҳокими Зоир Мирзаев билан биродарлик тўғрисидаги меморандумни имзоладилар.

Мазкур ҳужжат минтақалараро ҳамкорликни ривожлантириш, савдо-иқтисодий алоқалар доирасини кенгайтириш, маданий-гуманитар ҳамкорликни мустаҳкамлаш ҳамда қўшма сармоявий  лойиҳаларни амалга оширишни кўзда тутади. Туркистон ва Тошкент вилоятлари саноат, қишлоқ хўжалиги, сайёҳлик  ва логистика соҳаларида юқори салоҳиятга эга стратегик ҳудудлар ҳисобланади.

Томонлар бизнес учун қулай шароит яратиш, тадбиркорликни қўллаб-қувватлаш ҳамда икки минтақа корхоналари ўртасидаги ҳамкорликни кенгайтиришга алоҳида эътибор қаратди.

* «Чегарасиз ҳамкорлик» бизнес-анжуманида 200га яқин тадбиркор иштирок этди. Унда Туркистон вилоятининг Жетисай, Қазиғурт, Саврон ва Сариоғоч туманлари ҳокимликлари Тошкент вилояти туманлари билан қардошлик  тўғрисида меморандумларни имзолади.

* Натижада, умумий қиймати 19,3 миллион АҚШ долларига тенг меморандумлар имзоланди. Жумладан, «Қазкрахмал» МЧБ ва «Right to Win» компанияси ўртасида 5 миллион долларлик келишувга эришилди.

«Чегарасиз ҳамкорлик» бизнес-анжумани Ўзбекистон ва Қозоғистон ўртасидаги стратегик ҳамкорликни мустаҳкамлаш, минтақалараро иқтисодий алоқаларни кенгайтириш ҳамда қўшма сармоявий лойиҳаларни амалга оширишга хизмат қилади.

* Аҳолиси 3 миллиондан ортиқ Тошкент вилояти мамлакатнинг иқтисодий жиҳатдан энг ривожланган минтақаларидан биридир. Вилоят саноат, қишлоқ хўжалиги, қурилиш ва логистика соҳаларида етакчи ўринни эгаллайди.