Ҳукумат Хожа Аҳмад Яссавий меросини ривожлантириш ва тарғиб қилиш бўйича 2026-2028 йилларга мўлжалланган тадбирлар режасини тасдиқлади.

Ҳужжатда буюк мутафаккирнинг меросини ўрганиш, тадқиқот юритиш ва тарғиб қилиш, шунингдек, Туркистонни маънавий туризмнинг асосий марказларидан бири сифатида ривожлантиришга қаратилган 37та тадбир назарда тутилган.

Режада илмий-тадқиқот, маданий-маърифий ва ижодий лойиҳалар, ахборот ва халқаро тадбирлар, шунингдек, қайта тиклаш каби бешта йўналиш қамраб олинган.

Ёшлар ва мактаб ўқувчилари билан ишлашга алоҳида эътибор қаратилмоқда. Тадбирларнинг асосий қисми Туркистон шаҳрида ўтказилади. Жумладан, шаҳарда ўқувчилар ўртасида анъанавий «Яссавийшунослик» танловининг республика босқичини ўтказиш, шунингдек, музей ҳузурида «Яссавийшунослик» клубини очиш режалаштирилган.

Тадбирларнинг асосий қисми Хожа Ахмад Яссавий асарлари ва илмий ишларини нашр этиш, мутафаккир меросини маҳаллий ва хорижий илмий марказлар ҳамда архивларда аниқлаш, архив материаллари ва ҳужжатлар каталогини тайёрлашга қаратилган.

Яссавий меросини янада кенг тарғиб қилиш мақсадида сайёҳлар учун маълумотларни, жумладан, видеолавҳалар ва аудиосайёҳбонларни янгилаш, хорижий сайёҳлар учун мослаштирилган янги сайёҳлик йўналишларни ишлаб чиқиш, шунингдек, зиёратгоҳда илмий-таъмирлаш ишларини амалга ошириш режалаштирилган.

Режада ЮНЕСКОнинг «Жаҳон хотираси» дастури доирасида Яссавийнинг топилган ва ўрганилган ёзма меросини тарғиб қилиш, ЮНЕСКО ва ИСЕСКО доирасида Яссавий йили ёки махсус маданий кунларни эълон қилиш масаласини ўрганиш назарда тутилган.

Режанинг ижроси Туркистоннинг муҳим маънавий, маданий ва сайёҳлик маркази сифатидаги салоҳиятини очишга имконият беради.