Туркистон шаҳридаги “Дўстлик уйи”да вилоят ҚХА қошидаги ўзбек этномаданият бирлашмаси ташаббуси билан янги Конституция лойиҳасини қўллаб-қувватлаш мақсадида  учрашув ташкил этилди.

Тадбирда Конституция давлатнинг асосий қонуни, барқарор тараққиётнинг мустаҳкам кафолати эканлиги таъкидланди. Янги лойиҳа фуқароларнинг ҳуқуқ ва эркинликлари ҳимоясини кучайтириш, адолатли жамият яратишга қаратилгани  таъкидланди. Шунингдек,  лойиҳадаги Халқ Кенгаши ҳам жамоат, ҳам давлат органи сифатида назарда тутилиши янги институтнинг асосий хусусияти – унга қонунчилик ташаббуси ҳуқуқига эга бўлишига урғу берилди. 

Йиғилишда “Жанубий Қозоғистон” вилоят ижтимоий-сиёсий газетаси директор-Бош муҳаррири Райимжон Алибоев ва 

“Ассамблея ёшлари” РЖБнинг вилоят ваколатхонаси раҳбари Нодир Ҳасантоев янги қонун лойиҳасининг моддаларига тўхталдилар. Нотиқлар ҳужжатда  таълим, илм-фан, маданият ва ёшлар тарбияси мамлакат тараққиётининг устувор йўналиши конституциявий даражада мустаҳкамланаётганини ёш авлодда ватангпарварлик руҳини кучайтириш, тарихий онгни шакллантириш ва уларни  масъулиятли фуқаро сифатида тарбиялашга кенг имкониятлар яратишини таъкидладилар. 

Вилоят ЎЭМБ раиси Б. Ирисметов эл-юрт бирлиги ва жамоат тотувлигини асраш муҳимлигини таъкидлаб, янги Конституция лойиҳасини қўллаб-қувватлашини маълум қилди. Шунингдек, у барча қозоғистонликларни 15 март куни ўтадиган республика референдумида фаол иштирок этишга чақирди.