Давлат раҳбари Қасим-Жўмарт Тўқаев томонидан йирик шаҳарлар ва вилоят марказлари атрофида экопарклар ташкил этиш бўйича берилган топшириқлар ижроси доирасида Туркистон вилоятида ҳам кенг кўламли ишлар бошланмоқда.

Вилоят ҳокими Нуралхан Кўшеров Туркистон шаҳри яқинида экопарк барпо этилиши режалаштирилган ҳудудга ташриф буюриб, масъуллар билан лойиҳа тафсилотларини муҳокама қилди. Маълум қилинишича, жорий йилда 50 гектар майдонда замонавий экопарк барпо этиш кўзда тутилган.

Янги боғ «Яшил ҳудуд» коммунал давлат муассасасига қарашли ерларда ташкил этилади. Лойиҳа доирасида қарийб 10 минг туп дарахт кўчатлари экилиши режалаштирилган бўлиб, ҳудуднинг табиий-иқлим шароитига мослашган тораңғи, уйенгки, акация, терак ва ўрик дарахтларига алоҳида эътибор қаратилмоқда.

Ҳозирги кунда экопарк ҳудудида тозалаш, кўкаламзорлаштириш ва аҳоли дам олиши учун қулай муҳит яратиш бўйича тайёргарлик ишлари олиб борилмоқда. Ушбу жараёнга 150 нафар ишчи жалб этилган бўлиб, 10 та махсус техника сафарбар қилинган.

Шунингдек, вилоят ҳокими халқаро аэропортга олиб борувчи йўл бўйидаги кўкаламзорлаштириш ишларини ҳам кўздан кечирди. Туркистон вилоятида ободонлаштириш ва кўкаламзорлаштириш ишлари изчил давом эттирилиши таъкидланди.