Қозоғистон Республикаси Парламенти Сенати депутати Алишер Сотволдиев вилоятга хизмат сафари доирасида Сайрам туманига ташриф буюриб, яқинда очилган «Дўстлик уйи»да туман этномаданият бирлашмалари раислари, «Ассамблея ёшлари» РЖБнинг туман бўлими вакиллари, шунингдек, Д. Қўнаев номидаги аграр-техника, Е. Сарманов номидаги аграр-иқтисодий ҳамда А. Исмоилов номидаги касб-ҳунар коллежлари қошидаги «Талабалар Ассамблеяси» аъзолари билан учрашди.

Тадбирда Алишер Ғофуржон ўғли Давлат раҳбари Қасим-Жўмарт Тўқаевнинг «Turkistan» газетасида эълон қилинган «Қозоғистон янгиланишнинг янги босқичига қадам қўйди» мавзуидаги мусобаҳаси ҳақида фикр билдириб, унда мамлакатнинг келгуси йўналиши, Ҳукумат ва ҳокимлар зиммасига юкланган аниқ вазифалар, жамият олдидаги долзарб масалалар баён этилганини таъкидлади. 

– Маълумки, Президент 2026 йилни “Рақамлаштириш ва сунъий идрок йили” деб эълон қилди, – деди у. – Бу – мамлакатимизнинг янги технологияларга мослашувини кучайтириш, давлат хизматларини енгиллаштириш ва IT соҳасини ривожлантиришга қаратилганининг далилидир.

А. Сотволдиев “Дўстлик уйи”нинг туманда истиқомат қилувчи турли этнос вакилларининг ҳамжиҳатлиги ва бирлиги учун хизмат қилишига ишонч билдирди.