Қадрли вилоят аҳли!

Сизларни Қозоғистон Республикасининг Мустақиллик куни билан чин дилдан табриклаймиз!

Жорий йилда Истиқлолнинг 34 йиллигини нишонламоқдамиз.

Эгамен Қозоғистон – истиқлол туфайли жаҳон ҳамжамиятида муносиб ўрин эгаллаган фахримиз ва ғуруримиз тимсолидир.

Давлат раҳбари Қасим-Жўмарт Тўқаев таъкидлаганидек, “Қозоғистон – ягона ватанимиз. Унинг пойдевори мустаҳкам, иқтисоди юксак бўлиши ҳам ўз қўлимизда. Аждодларимиздан мерос бўлиб қолган бепоён заминни асраб-авайлаш ва тараққий эттириш фарзандлик бурчимиздир. Ҳамжиҳатлигимизни асраб-авайлаб, меҳнат қилсак, она заминимизни обод қилиб, уни тараққий этган давлат сифатида келажак авлодга етказсак, бу аждодлар меросига содиқликдир!”

Сўнгги йилларда Янги Қозоғистонни барпо этиш йўлида улкан қадамлар қўйилди. Ҳар бир ишимиз ва ютуғимизда мустақилликнинг қудрати намоён бўлмоқда. Мамлакатимиз дунёга, дунё эса юртимизга очилмоқда.

Президент ташаббуси билан ҳаётга татбиқ этилган ислоҳотларимизда “Адолатли жамият, фаровон юрт учун!” деган эзгу ғоя асосий йўналиш сифатида амалга оширилмоқда. Мамлакатимизда амалга оширилаётган “Тоза Қозоғистон” дастури, шунингдек, навқирон авлодларимиз Янги Қозоғистон равнақига муносиб ҳисса қўшишларига замин яратмоқда.

Мамлакатимиз равнақига Туркистон вилояти ҳам муносиб ҳисса қўшмоқда. Сўнгги йилларда минтақа бюджети даромадлари кўпайиб бормоқда, унинг аксарият қисми ижтимоий соҳага йўналтирилмоқда. Кенг қамровли сармоявий ва инфратузилмавий лойиҳалар амалга оширилмоқда, аҳоли фаровонлигини ошириш борасида муҳим қарорлар қабул қилинмоқда.

Мақсадимиз – вилоятни иқтисодий жиҳатдан тараққий этган минтақага айлантириш. Асосий эътибор янги корхоналар очиш, минтақага сармоя жалб этиш ва қайта ишлаш саноатини ривожлантиришга қаратилмоқда. 

Ҳурматли ҳамюртлар!

Барча қозоғистонликларни ватанпарварлик туйғуси атрофида бирлашишга чорлаймиз. Президентимиз таъкидлаганидек, юртнинг кучи бирликда, қадри эса тинчликдадир. Барчангизга юртимиз тараққиёти йўлида улкан муваффақиятлар тилаймиз. Мустақиллигимиз абадий бўлсин!