“Адолатли ва  ривожланган Қозоғистоннинг Халқ Конституцияси учун!” умуммиллий коалицияси вакиллари туман аҳолиси билан учрашди.

Шу кунларда вилоятимизда “Адолатли ва ривожланган Қозоғистоннинг Халқ Конституцияси учун!” умуммиллий коалиция вакиллари ахборот-тарғибот ишларини давом этирмоқда.

Хусусан, коалиция вакиллари Мақтаарал ва Жетисай туманларида кенг қамровли учрашувлар ўтказишди. Уларда меҳнат жамоалари, спортчилар, ўқитувчилар ҳамда тиббиёт соҳаси мутахассислари иштирок этди.

Тадбирларда вилоят маслаҳати раиси, коалициянинг ҳудудий филиали раҳбари Нурали Абишов, шунингдек, аъзолари Бекжан Айтқулов, Тўрегелди Қалмуратов, Жарқинбек Қанаев, Жақсибай Қурақбаев, Бақитжан Серманизов, Талғат Қаржауов, Алимардин Медетов ва Қадир Сарсекбаевлар иштирок этишди.

Мақтаарал туманида делегация Улгили ва Ж. Қалшўраев аҳоли манзиллари фуқаролари, шунингдек, Мирзакент қасабасидаги марказий кутубхона жамоаси билан учрашиб, янги Конституция лойиҳасининг мазмун-моҳиятига бағишланган мулоқот ўтказишди.

Учрашувларда фуқароларнинг қарор қабул қилиш жараёнида иштирок этиш имкониятларини кенгайтириш, ҳокимият тармоқлари ўртасидаги алоқани мустаҳкамлаш, қонун устуворлигини таъминлаш масалалари кенг муҳокама қилинди.

Жетисай туманига хизмат сафари давомида гуруҳ аъзолари спортчилар ва JET Plaza жамоаси билан учрашиб, оммавий спортни ривожлантириш, ёшларни соғлом турмуш тарзига жалб этиш, тадбиркорликни қўллаб-қувватлаш ҳамда меҳнат жамоаларининг жамиятдаги ўрни ҳақидаги фикрларни илгари суришди. Шунингдек, 7-сонли “Туран” мактаб-гимназияси педагоглари билан учрашувда таълим соҳасида фуқаролик маданияти ва ҳуқуқий тартибни мустаҳкамлаш йўллари таҳлил қилинди.

Учрашувлар давомида “Халқ Конституцияси” тушунчасининг мазмуни изоҳланиб, унинг асосий мақсади – ҳар бир фуқаронинг манфаатини ҳимоя қилиш, давлат бошқарувида шаффофлик ва ҳисобдорликни кучайтириш экани таъкидланди.