Давлат раҳбари Қасим-Жўмарт Тўқаев Бирлашган Араб Амирликлари, Саудия Арабистони, Қатар, Баҳрайн ва Қувайт раҳбарларига шахсий мактублар йўллаб, ушбу дўст ва қардош мамлакатлар халқларини қўллаб-қувватлашини маълум қилди.

Президент матбуот котиби Айбек Смадияровнинг маълум қилишича, Давлат раҳбарининг мурожаатларида минтақада юзага келган оғир вазият муносабати билан самимий ҳамдардлик ва бирдамлик изҳор этган.

Давлат раҳбари суверенитет ва хавфсизликка таҳдид солувчи ҳар қандай ҳарбий ҳаракатларни қатъий қоралаб, барча мураккаб халқаро муаммолар ва қуролли можаролар фақат дипломатик йўллар билан ҳал этилиши лозимлигини таъкидлади.

Шунингдек, Қозоғистон зарурат туғилган тақдирда қардош араб давлатларига ҳар томонлама ёрдам кўрсатишга тайёр эканлигини, уларнинг олий раҳбарияти билан доимий мулоқотни давом эттиришдан манфаатдор эканини қайд этди.

Маълумки, 28 февраль куни Яқин Шарқ минтақасида ҳарбий ҳаракатлар авж олди. Бу вазият туфайли қатор халқаро авиақатновлар, жумладан Қозоғистондан амалга ошириладиган айрим рейслар ҳам вақтинча тўхтатилди. Ташқи ишлар вазирлиги хориждаги қозоғистонлик фуқаролар учун тезкор алоқа рақамларини эълон қилди.