Президент қароргоҳида мамлакатимиз спорт тарихида ўчмас из қолдирган машҳур альпинист Ерванд Ильинскийга Қозоғистон Республикасининг энг олий мукофоти – «Қозоғистон Меҳнат қаҳрамони» унвонини топшириш маросими ўтди.

Тадбирда иштирок этган Қасим-Жўмарт Тўқаев спортчининг юксак маҳорат ва матонатини алоҳида таъкидлади.

Ильинскийнинг залворли ҳиссаси туфайли Қозоғистон байроғи дунёнинг энг баланд чўққиларида ҳилпираб, мамлакатимиз нуфузи халқаро майдонда янада мустаҳкамланишига ҳисса қўшди.

У тажрибали альпинист сифатида Эверест чўққисини забт этган илк қозоғистонлик спортчи, нуфузли «Етти чўққи» клуби аъзоси.

Шунингдек, у мамлакатимизда альпинизм мактабини яратиб, уни жаҳонга танитган устоз сифатида ҳам ҳурматга сазовор. Унинг раҳнамолигида Қозоғистон терма жамоаси дунёда биринчи бўлиб 8 минг метрдан баланд 14та чўққининг барчасини забт этиб, юксак натижаларга эришди.

Йиллар давомида у юзлаб спорт усталарини тарбиялаган халқаро даражадаги чемпионлар ва рекордчилар етишиб чиқишига сабабчи бўлган.

Мазкур юксак мукофот – мамлакатимиз спорт соҳасининг улкан ютуқлари ва янги зафарларга бўлган интилишининг ёрқин ифодасидир.