Бир ойдан сўнг йилнинг биринчи чораги ниҳоясига етиб, режалаштирилган ишлар бўйича дастлабки кўрсаткичлар баҳоланади. Соҳа раҳбарлари тасдиқланган кўрсаткичларнинг ижросини қай тарзда таъминламоқда? Берилган топшириқлар қандай амалга оширилмоқда? Вилоят ҳокими Нурбўл Турашбеков ўзи етакчилик қиладиган соҳалар бўйича мажлис ўтказиб, юқоридаги саволларга жавоб олди.

Вилоятимизда 12731 чақиримни ташкил қиладиган 4180та канал, жами сиғими 8,7 миллиард метр кубни ташкил қиладиган 42та сув омбори, 5712 чақиримга чўзилган суғориш тармоқлари ва 1794та қудуқ мавжуд. Сув омборларининг тўлиш даражаси 71 фоизни ташкил қилмоқда. Хўжаликларни сувни тежовчи технологиясига ўтказиш бўйича шаҳар-туман ҳокимликлари билан ҳамкорликда деҳқонлар билан мунтазам учрашувлар ўтказилиб, тушунтириш ишлари олиб борилмоқда.

Мажлисда ветеринария соҳасидаги масалалар ҳам муҳокама қилинди. Энзоотик касалликларга қарши зарарсизлантиришнинг биринчи босқичи март ойида бошланади. Жорий йил 31,4 миллион квадрат метр мол тўпланадиган ва суғориладиган жой, 92,6 миллион квадрат метр олис ҳудуддаги қўраларни зарарсизлантириш режалаштирилган. 3,2 миллион бош йирик қорамол ва 9,9 бош қўй-эчкиларни дорилаш кўзда тутилган.

Вилоят ҳокимининг ўринбосари мажлисда кўтарилган барча масалалар юзасидан мутасадди бошқармаларнинг вазифаларини эслатиб, тегишли топшириқлар берди.