Бешинчи Миллий қурултой «Адолатли Қозоғистон» тамойилларини ҳаётга татбиқ этиш масалаларига бағишланди. Қурултойда жамиятни бирлаштириш, фуқаролар ҳуқуқларини ҳимоя қилиш, хусусий мулк ва ердан фойдаланиш устидан назоратни кучайтириш, йўл инфратузилмасини ривожлантириш ҳамда фирибгарликка қарши курашиш каби долзарб йўналишлар муҳокама қилинди.

Тадбирда адолатли ва тенг имкониятларга асосланган жамиятни шакллантириш, юқори технологияли иқтисодиётни ривожлантириш, миллий қадриятларни мустаҳкамлаш асосий устувор вазифалар сифатида белгиланди. Шунингдек, тарбия масалалари, ёшлар салоҳиятини ошириш, таълим тизимини такомиллаштириш, болалар хавфсизлигини таъминлашга қаратилган ташаббуслар алоҳида эътибор марказида бўлди.

Қурултойда интернет орқали фирибгарлик, сохта коучинг каби салбий иллатларга қарши курашиш, жамоат ахлоқи ва жамоат хавфсизлигини мустаҳкамлаш масалалари ҳам кенг муҳокама қилинди. 

Бу борада «Адолатпарвар фуқаро» ғояси доирасида амалий чора-тадбирларни кучайтириш зарурлиги таъкидланди.

Муҳокамалар якунларига кўра, ички ижтимоий-сиёсий ишларни янги шаклда ташкил этиш, давлат ва жамият ўртасидаги ҳамкорликни кучайтириш орқали ислоҳотларни изчил давом эттириш мақсад қилиб олинди.

Қурултойда илгари сурилган таклифлар «Адолатли, хавфсиз, тоза ва қудратли Қозоғистон»ни барпо этиш, барча фуқаролар учун тенг имкониятларни таъминлашга қаратилгани билан аҳамиятлидир.

Бешинчи Миллий қурултойга бағишланган батафсил мақолани газетанинг келгуси сонида ўқийсиз.