Бу ҳақда Президент Қасим-Жўмарт Тўқаев Конституция қабул қилинишига бағишланган тантанали йиғилишда маълум қилди. 

– Барчангиз тарихимиздаги муҳим жараёнга гувоҳ бўлдингиз. Давлат раҳбари сифатида мен бутун халқ номидан Конституциямизни имзоладим. Шунингдек, Конституцияни амалга ошириш чора-тадбирлари тўғрисидаги Фармонни ҳам имзоладим. Энди Конституция 1 июлдан бошлаб расман кучга киради. Конституция кунини эса давлат байрами сифатида миллий даражада ҳар йили 15 март куни нишонлаймиз. Мамлакат аҳолисини янги Конституция билан табриклайман, – деди Президент.

Давлат раҳбари Конституция – давлатимизнинг узоқ муддатли мақсад ва вазифаларини белгилайдиган ва миллатимизнинг келажакдаги тақдирига бевосита таъсир кўрсатадиган тарихий ҳужжат эканлигини таъкидлади.

– Бу – ҳақиқатан ҳам Бош Қомусимиз. Унинг лойиҳаси тахминан икки йил муқаддам ишлаб чиқила бошланди. Бугун биз ягона мамлакат сифатида миллат тарихида янги босқичга эришдик, сифат ва мазмун жиҳатидан туб ўзгаришлар даврига кирдик.

Куни кеча мамлакатимизда умумхалқ референдуми муваффақиятли ўтказилди. 

Фуқароларимиз ўз танловини амалга оширди. Халқимиз янгиланиш ва тараққиёт йўлини қўллаб-қувватлади ҳамда умумий ишга улкан ҳисса қўшди. Буюк Абайнинг «Бирлик – тафаккурдаги ҳамжиҳатлик» деган насиҳати бежиз айтилмаган бўлса керак, – деди Президент.