Туркий давлатлари иқтисодиёт ва савдо вазирларининг анъанавий ўн тўртинчи анжумани Туркистон шаҳрида ўтди. 

Ўзаро самарали сармоялар, иқтисодий муносабатларни тараққий эттириш режалари муҳокама қилинган анжуманда кооперацияни ривожлантириш борасида аниқ қарорлар қабулланди. Туркия, Ўзбекистон, Озарбайжон, Қирғизистон давлатлари иқтисодиёт ва савдо вазирликлари мутасаддилари иштирок этган анжуманда ҚР Миллий иқтисодиёт вазири ўринбосари Асан Дарбаев анжуманни кириш нутқи билан очар экан, Буюк Ипак йўли бўйида жойлашган давлатларнинг муштарак  тарихи рамзи, туркийлар олами маънавий пойтахти Туркистонда ўтаётган учрашувнинг аҳамиятини қайд этди. Ўтган йил якунига кўра, туркий давлатлари ўртасидаги савдо ҳажми 11,9 миллиард АҚШ долларидан ошди. Қозоғистоннинг энг йирик савдо ҳамкорлари Ўзбекистон (4,3 миллиард доллар), Туркия (4,9 миллиард доллар), Қирғизистон (2 миллиард доллар) ҳамда Озарбайжон (425 млн доллар) ташкил этади. Қозоғистонга жалб этилган ҳорижий сармоялар оқими 6,3 миллиард доллардан ошди. Қозоғистонда туркий давлатлар сармоялари иштирокида 12 мингдан зиёд компания, хусусан, 1300данзиёд қўшма корхоналар фаолият юритади. 

ҚР Президенти Қ. Тўқаев туркий давлатлар иқтисодий қудратини ошириш, кўлик – логистика ва сармоя ҳамкорлигини ривожлантиришни таъкидлаган. Савдо тўсиқларини енгиш, кўлик йўналишлари ва рақамли савдо воситаларини ривожлантиришга теран эътибор қаратилди. Анжуман ишида Туркистон вилояти ҳокими Нуралхан Кўшеров иштирок этиб, халқаро анжуман фаолиятига омад тилади.