Ҳурматли ҳамюртлар!

Қадрли Туркистон вилояти аҳолиси!

Сизларни Янги йил билан чин дилдан табриклаймиз!

Ўтган йил мамлакатимиз учун муҳим ўзгаришларга бой бўлди. Давлат раҳбари Қасим-Жўмарт Тўқаев ташаббуси билан амалга оширилаётган кенг қамровли ислоҳотлар вилоятларимиз тараққиётига янгича суръат бағишлаб, халқимизнинг турмуш даражасини юксалтирмоқда.

Ушбу ташаббуслар Туркистон вилоятига ҳам ижобий таъсир кўрсатди ва аҳамиятли лойиҳалар ҳаётга татбиқ этилди. Давлат раҳбарининг топшириғига мувофиқ, вилоятнинг ижтимоий-иқтисодий тараққиётини таъминлаш борасида кенг кўламли вазифалар, ишлар амалга оширилди.

2025 йилнинг 11 ойи мобайнида қисқа муддатли иқтисодий ўсиш 114,4 фоизли кўрсаткичини таъминлади. Саноат маҳсулоти ҳажми 1,4 трлн тенгега етди ва ўтган йилнинг шу даврига нисбатан ўсиш 112,5 фоизни ташкил қилди. 

Ўсиш суръатига асосан, тоғ-кон, озиқ-овқат маҳсулотлари, енгил саноат ва машинасозлик соҳалари ҳисобига эришилди. Қайта ишлаш саноатида 665,8 миллиард тенгелик маҳсулот ишлаб чиқарилди ва режа 110,9 фоиз уддаланди.

Вилоятнинг саноат салоҳиятини ривожлантириш мақсадида, шу йили қайта ишлаш соҳасида 59 миллиард тенгега 18та лойиҳани ҳаётга татбиқ этиш режалаштирилиб, 12 лойиҳа ишга туширилди. 

Қишлоқ хўжалигида эса вилоят иқтисодиётининг муҳим тармоғи сифатида, йил бошидан буён 1,2 триллион тенгелик маҳсулот ишлаб чиқилди.

Вилоятимизда сармоя жалб қилишга алоҳида эътибор қаратилмоқда. Асосий капиталга 1,4 триллион тенге сармоя йўналтирилиб, режа 123 фоиз бажарилди. Бу йили 58та сармоявий лойиҳа амалга оширилиб, 6 637та янги иш ўрни яратилди.

Қурилиш ишлари ҳажми 493,2 млрд тенге ёки 127,8 фоиз даражасида амалга ошди. 11 ойда 1 092,4 минг кв. метр уй-жой фойдаланишга топширилди ва йиллик режа тўлиқ бажарилди. Ушбу кўрсаткичлар – вилоят аҳолисининг меҳнатсеварлиги ва ҳамжиҳатлигининг ифодасидир.

Қадрли ҳамюртлар!

Янги йил – оилавий байрам, самимийлик, ҳурмат-эҳтиром ва меҳр-муҳаббат бўй кўрсатадиган ўзгача лаҳза.

Тарих қаърига кириб бораётган ўтган йилда мамлакатимиз мураккаб босқичлардан ўтди. Келаётган От йили юртимиз учун муваффақиятли ва барқарор йил бўлсин!

Сизларни Янги йил билан табриклаб, сиҳат-саломатлик, оилавий бахт ва барча ташаббусларингизда муваффақият тилаймиз.

Мустақил Қозоғистонимиз ва барқарор Туркистонимиз абадий бўлсин!

Янги йил муборак бўлсин!