Туркистон шаҳрида халқлар дўстлиги ва диний бағрикенглик тимсоли бўлган янги масжид қурилиши якунланиш арафасида. Замонавий ва шарқона услуб уйғунлашган, муҳташам бино 5 минг одамга мўлжалланган. 

Ҳозирги пайтда бино электр ва сув таъминотига тўлиқ уланган, ташқи-ички безак ва пардоз ишлари жадал суръатларда давом этмоқда.

Лойиҳа Ўзбекистон халқи томонидан Туркистонга ихлос ва эҳтиром рамзи сифатида туҳфа этилмоқда. Бу – икки қардош элнинг қалби ягона, орзу-умиди муштарак эканлигининг ёрқин ифодасидир.

Вилоят ҳокими Нуралхан Кўшеров қурилиш майдонида бўлиб, ишлар суръати ва сифатини кўздан кечирди. Масъулларга иншоотни йил якунигача тўлиқ фойдаланишга топшириш юзасидан аниқ кўрсатмалар берди.

7,7 гектар ер майдонида барпо этилаётган Ислом марказининг умумий бинолар майдони 4650 квадрат метрни ташкил этади. Масжиднинг миноралари 61 метр.

Қурилиш ишларини “МонтажСтройКом Экстра” масъулияти чекланган биродарлиги олиб бормоқда. Бугунги кунда ташқи безак ва ҳудудни кўкаламзорлаштириш ишлари якуний босқичда – ободонлаштириш тадбирларининг 85 фоизи амалга оширилган.

Янги масжид – маърифат, илм ва эзгулик марказига айланади. Бу ерда таълим ва маънавий суҳбатлар, ёшлар билан учрашувлар ташкил этилади. Масжиднинг ҳар бир бурчагида халқимизнинг меҳри, бунёдкорлиги ва юксак маънавияти мужассам бўлади.

Шу тариқа, Туркистонда барпо этилаётган бу масжид – бугунги замон бунёдкорлик руҳининг, қардош халқлар бирдамлигининг ва миллий ифтихорнинг ёрқин рамзидир.