Туркистон шаҳрида вилоят фахрийлар кенгашининг навбатдаги Пленуми ўтди. Тадбирда Давлат раҳбари Қасим-Жўмарт Тўқаевнинг жорий йилги Мактубида илгари сурилган ғоя ва вазифалар, фуқаролик жамиятини ривожлантириш масалалари ҳамда галдаги режалар муҳокама қилинди.

Пленум ишида вилоят бошқармалари раҳбарлари, зиёлилар, туман ва шаҳар “Оталар мактаби” раислари, “Бувилар ҳайъати” раисалари иштирок этишди. 

Вилоят фахрийлар кенгаши раиси Женисбек Мауленқулов, вилоят маслаҳати раиси Нурали Абишов, вилоят прокурорининг биринчи ўринбосари Саян Келдибеков, пленум аъзоси Абдулла Ахметов, вилоят жамоат тараққиёти бошқармаси вазифасини бажарувчи Бўлат Жанабил маъруза қилишди, шунингдек, ёшлар тарбияси ва сармоя жалб этиш, партиялар фаоллигини ошириш, Парламент сайловларига тайёргарлик ҳамда “Қонун ва тартибот” тамойилларини мустаҳкамлаш масалалари атрофлича ёритилди. 

Маърузаларда Президент Мактубида белгиланган устувор йўналишлар муҳокама қилиниб, унинг ижросини таъминлашга ҳар бир авлоднинг ҳисса қўшиши зарурлиги таъкидланди. 

Йиғилиш якунида фахрийлар Президент Мактубида белгиланган вазифаларни ҳаётга татбиқ этиш юзасидан аниқ чора-тадбирлар режасини қабул қилдилар.